Молитва Михаилу Архистратигу – Грозному Воеводе

О Господи Боже Великий, Царю Безначальный! пошли, Господи, Архангела Твоего Михаила на помощь рабу Cвоему (имя рек) изъяти мя от враг моих видимых и невидимых!

О Господень Архангеле Михаиле, излей миро благостыни на раба своего (имя рек). О Господень Михаиле Архангеле, демонов сокрушителю! Запрети всем врагам,

борющимся со мною, сотвори их яко овцы и сокруши их, яко прах пред лицем ветра.

О Господень Великий Михаиле Архангеле, шестокрылатых первый Княже и Воеводо Небесных Сил, Херувим и Серафим! О чудный Архангеле Михаиле! Хранителю неизреченный, буди ми помощь во всем, в обидах, в скорбех, в печалех, в пустынях, на распутиях, на реках и на морях тихое пристанище!

Избави мя, Великий Михаиле Архангеле, от всякия прелести диавольския, егда услышиши мя, грешнаго раба своего (имя рек), молящагося тебе и призывающаго имя твое святое, ускори на помощь мне и услыши молитву мою.

О великий Архангеле Михаиле! Победи вся противящиеся мне силою Честнаго и Живо-творящаго Креста Господня, молитвами Пресвятыя Богородицы и всех Ангел и святых Апостол, и святаго Николая Чудотворца, святаго Андрея юродиваго и святаго пророка Илии, и святых великомученик Никиты и Евстафия, преподобных отец и святителей и мученик и всех Святых Небесных Сил.

О Великий Архангеле Михаиле! Помози мне, грешному рабу Твоему (имярек), избави мя от труса, потопа, от огня и меча, от напрасныя смерти, от всякого зла, от врага льстивого, и от бури наносимыя, и лукавого избави мя, Великий Михаиле Архангеле Господень, всегда, ныне и присно и во веки веков. Аминь.

Кто читает сию молитву каждодневно, не прикасается к нему ни диавол, ни злой человек, и лестию не соблазнится сердце его.
По преданию, сия молитва написана на паперти обители Архангела Михаила в Москве - еже именуется "Чудов Монастырь" в Кремле - 11 августа 1906 г.
Молись под праздник Архангела Михаила, под 19 сентября (Чудо в Хонех) и под 21 ноября (н. ст.) - его память, т. е. под Михайлов день, - молись в 12 часов ночи. Молись под эти ночи, и он услышит молитву просящего, называй усопших по имени и проси, чтобы он вывел их из ада. Помяни родных и близких, называй их имена.

Аще, который человек прочтет сию молитву, того дня не прикоснется к нему ни диавол, ни зол человек, ни лестно соблазнится сердце его.

Аще ли представится от жития сего, то ад душу его не примет.